Në një nga guroret që ka lënë mbas gjurmë të rënda në mjedis, inisiativa e Shoqërisë Civile siguroi partneritetin trepalësh Komunitet – Biznes – Pushtet Vendor, të cilët së bashku realizuan aktivitetin e nisjes së rehabilitimit të relievit dhe gjelbërimin në territorin e gurores.

Fadroma, punëtorë të biznesit, komuniteti, vullnetarët, punonjësit e Njësisë Administrative, të rinj shkollarë, media kontribuan me mbjelljen e fidanëve të dafinës (Laurus nobilis), si bimë e zonës për rivendosjen e ekulibrave ekologjike në këtë ekosistem të dëmtuar.

Përfaqësuesit e biznesit të gurores, u zotuan se do të vazhdojnë pa ndalur procesin e rehabilitimit dhe gjelbërimit të sipërfaqes që ata kanë përdorur.

Pushteti vendor do të monitorojë rregullisht këtë proces.

Gjithashtu, Qendra Vizioni i Gjelbër do t’iu qëndrojë gjithmonë pranë për t’i ndihmuar dhe lehtësuar ata nëpërmjet asistencës dhe këshillimit teknik dhe ekologjik për zhvillimin në harmoni dhe ruajtjen e ekulibrave në natyrë.

Shpresojmë, por dhe do të kërkojmë vazhdimisht që ky proces të realizohet në të gjitha minierat e gurit, jo vetëm në fshatin Vranisht, por në të gjithë Lumin e Vlorës.

Aktiviteti u realizua nga Vizioni i Gjelbër në kuadër të projektit “Zhdukja e ekosistemeve nga aktiviteti i guroreve”, si pjesë e programit Green-AL i financuar nga Agjencia Ndërkombërare Suedeze për Bashkëpunim dhe fondet e Qeverisë Suedeze, i zbatuar nga Co-PLAN Institute for Habitat Development ne bashkepumim me CISP Sviluppo dei Popoli, VIS Albania, COSV – Cooperazione per lo Sviluppo .